كل الشركات تتبني الاستراتيجيات ديالها و على #احتياجات_الزبناء ، يعني شنو باغي الكليان؟ او كتبيع الحل لمشكلة عند الزبون ؟ ، و الجواب على هاد السؤال تيمكن الشركات من إخراج #المنتج Product أو الخذمة لي غادي تلبي هاد الاحتياجات او تحل هاد المشاكيل. هادشي عادي في ريادة الأعمال.
لي ماشي عادي في هاد القضية، هو منين تتلقى رائد الأعمال مكرفط و ناشر رجليه في البيرو و كالس كيتنبأ و يتخيل فهاد الاحتياجات و المشاكل !!.
هاد الخطأ تيرتاكبوه حتى أشهر رواد الأعمال في العالم و أكبر الشركات العالمية. Bill Gates مؤسس Microsoft ذكر في المذكرات ديالو أن العالم يمكن يولي فيه 100 ألف كمبيوتر محمول ، و طبعا هاد العدد تقدر تلقاه دبا غير في مدينة في المغرب. كان ليه أيضا تصريح قال فيه أن أي شخص في العالم ما غاديش يحتاج في الجهاز ديالو الشخصي ميموار Memory يكون فيها أكثر من 64 kylobytes. و طبعا دبا عندنا أجهزة فيها Mega bytes و Giga bytes و حتى Tera Bytes و ما ولاتش كافيانا.
الحاصول و ما فيه، منين تبغي تعرف احتياجات و سلوك الزبناء، سد البيرو و كفظ على دراعك و نزل للسوق Market ، باش تعرف مزيان آش باغي الكليان واشمن مشكل عندو و تجمع كاع المعطيات Data على تطورات هاد الاحتياجات و تطورات السوق و المنافسين.
و هاد المبدأ كيتسمى( Do not assume ) , يعني ما تبقاش تفرض شي حاجة لي كاينة غير في ذماغك، نزل للسوق باش تفهم سلوك العملاء ديالك و تجمع Data . لان هاد احتياجاتهم يمكن تختلف ما بين مدينة و مدينة و بلاد و بلاد …
Mohamed El Fezzazi- Think Tank ✪✪ ( محمد الفزازي )
