منين كتمشي تشري شي حاجة عند شي مول #الحانوت، و تقول ليه عطيني الله يخليك واحد برودوي
كيجاوبك: #الشريف راه كاين زوج ديال الماركات : كاين ديال الشينوا ب 500 درهم ، و ديال لالمان ب 550 درهم .
(System one)هنايا الجزأ الكسول ديال لعقل
ديالك كيخبرك بأن سلعة لالمان حسن من سلعة شينوا، و تيدفعك تاخد الصح و المتانة، و خصوصا أنه كيبان ليك أن الفرق بينهم هو 50 درهم فقط. و كتاخد غالبا القرار باش تشري سلعة لالمان ب 550 درهم. هاد التقنية ديال البيع كيستعملوها بزاف ديال أصحاب المشاريع . و هاد السيد مول المحال يقدر متكونش عندو كاع سلعة الشينوا، ولكن كيستعمل هاد التقنية باش يأثر على اتخادك لقرار الشراء.
Starbucks نفس هاد الاستراتيجية استعملاتها.
في 2013 , زادت في كاس ديال القهوة الصغير حتى رجع الثمن ديالو تقريبا قد الكأس الكبير، هاد الشي جعل الإقبال أكبر على الكاس ديال القهوة الكبير ، لأن الفرق في الثمن ما كانش بزاف مع الصغير .
#صاحبي ،
الناس راها ماكتجيش و تحط الثمن , استراتيجية التسعير هي واحد الجزأ مهم من خطة أي #مشروع ، إتقان هاد الاستراتيجية كيمكنها تدفع بالمشروع للأمام ، اولا كيمكن تجيبك على راسك.
لذلك خصص بزاف ديال الوقت و الجهد باش تختار الاستراتيجية المناسبة للمشروع ديالك، للسوق و للزبناء المستهدفين و ما تنساش تخلي عينيك على الثمن عند المنافسين.
Mohamed El Fezzazi- Think Tank ✪✪ ( محمد الفزازي )
