واحد الجملة ،عمرها بغات تذخل لي راسي “منين توصل للخذمة خلي #المشاكل ديالك في الباب “، يعني خاصني نولي روبو #Rebot ؟!
الإنسان كيبقى إنسان ، في الدار في الخذمة و في أي بلاصة ، هو مجموعة ديال الأحاسيس. طبعا هادشي متيعنيش أن الشركة او القائد ديالها اولا المسؤول ديالك المباشر خاصو يولي دكتور نفساني لكل واحد ، و لكن على الأقل خاص كل #Leader يكون عندو تعاطف مع الناس لي خدامين معاه.
داكشي لاش الناس تتكلم على ” #القيادة_بالحب “
Managing with the Wisdom of Love
يعني Leader ما فيها باس إلى شاف واحد النهار واحد السيد ماشي هو هاداك، يحاول يفهم علاش و يحاول يعاونو على قدر المستطاع و لو بإبداء التعاطف. حنا ماشي #Robots , إلى خليتي ولدك مريض في الدار أولا عندك مشكل عاطفي او قانوني اولا مالي … ، راه مستحيل تخذم بحال أي نهار عادي ، حتى واحد مايمكن يكون دايما 100% في نهارو، حتى #Leader براسو و #الشركات براسها تتعرف أيام صعبة .
لذلك القيادة بالحب مهمة بزاف ، هدا متيعنيش تمييع الأشياء ، لأن من المفروض الشركة عندها #procedures تتبعها في الحالات ديال السيبة. منين كتكون #ثقافة الشركة مبنية على القيادة بالحب ، كتكون سياسة لي فرط كرط هي سياسة خاصة و متستعملش مع الجميع و في كل الأوقات …
خاص أي مسؤول يعامل و يحس بالناس بنفس الطريقة لي كيبغي الناس تعاملو بيها . هو إنسان و هوما كذلك.
” To manage with love is to treat others as you would like to be treated “
Mohamed EL Fezzazi ✪✪ ( محمد الفزازي )
