ماشي كاع الدروس نتعلموها في الجامعات و المدارس العليا اولا نخلصو عليها الخبراء ، بزاف ديال #الدروس يمكن ناخدوها من عند #المتسولين المحترفين ( السعاية أو الطلابة) و نطبقوها في #البيزنس ( #ريادة_الأعمال ) . السعاي يخرج منك الفلوس بلا ما يبيع ليك حتى حاجة.
1. الثقة في النفس ، #السعاي_المحترف تتلقا عندو #ثقة في النفس غير محدودة، ما يرمش ما يحشم، واثق الخطوة يمشي.
2. #الاستعداد الجيد و التدريب ، السعاي المحترف ، كيوجد Action plan : لباس الشغل, و نوعية الخطاب حسب نوعية الزبناء و المنطقة و الزمان و المناسبة …
3. #الوسيلة المستعملة للوصول إلى #الزبناء , السعاي المحترف كيستعمل أحسن وسيلة لي كتأثر في كل البشر و هي Story telling و كيستعملها بذكاء خارق ، بحيث كيبدلها حسب نوعية الزبناء و المكان ، منين يذخل قهوة كلاص، غادي يفرق غير الورقة مكتوب فيها القصة ديالو، منين يمشي لمنطقة شعبية ماغاديش يستعمل الورقة و إنما المزاوكة و القصص الجد حزينة.
4. عدم #اليأس Persuasion ، السعاي المحترف مكيعياش و مكيملش من السعايا و كيتابع المحاولة عدة مرات حتى كيجمع الحصيصة ، واخا يلقى بزاف لي ميعطيوهش و لكن مكينزلش يديه , شعاره ” لا يأس مع السعايا ” .
5. #توسيع رقعة الزبناء المستهدفين Potential Customer ، السعاي المحترف ميبقاش شاد بلاصة وحدة، بالعكس كيحاول يستهدف أكبر عدد من الزبناء Terget customer . و مكيضيعش الوقت، غير يشوف مافيك مرقة كيكمل طريقو لعند زبون آخر. Time is Money .
6. اقتناص #الفرص و الهوتة seize opportunities و الوقت المناسب Real time، السعاي المحترف تيزيد من الحركة و المجهود في راس الشهر ، في الاعياد، في رمضان، يوم الجمعة …
7. #شكر الزبناء ، السعاي المحترف ، غير تعطيه داك البركة ، يبقا يدعي معاك شي دعوات …
لكم الخط لتشاركونا نقط أخرى، نستافدو منها .
#storytelling#innovation#opportunities#entrepreneurship#money
Mohamed El Fezzazi- Think Tank ✪✪ ( محمد الفزازي )
