#نصيحة_ما_عندها_حتى_فايدة،
أعشق #رياضة #ألعاب_القوى و خصوصا المسافات القصيرة، حيث كانت قد شغفتني حبا و مارستها في سن جد مبكر، قبل ان يتحول العشق و الممارسة فجأة الى معشوقة الجماهير ” كرة القدم ” .
في هاد الرياضة ، كاينة واحد الحاجة غريبة بزاف، منين كيكون السباق واعر ، كيصعاب علينا بالعين المجردة نعرفو شكون ربح . و كنبقاو نتسناو الفوتو فينيش #Photofinish باش نعرفو شكون دخل الأول و الثاني و حتى الثالث ، و خصوصا في سباق 100 متر . أغلب المرات الأول كيفوت الآخرين غير بصبع أو شوية ديال شعر راسو … و لكن الغريب أن الفرق في مبلغ الجائزة كيكون كبير بزاف ، كتلقى الأول مثلا خدا مليون دولار و الثاني 400 ألف و الثالث 100 ألف .
آوااااه، سابقو غير بملمتر و الفرق في الجائزة كبير بزاف ؟!!!
#صاحبي،
هاد شي تماما لي كيوقع لينا في حياتنا الشخصية و العملية، هاداك الملمتر راه هو هديك المهارة الصغيرة لي كتخصص ليها وقت قليل كل نهار باش تعلمها ، ايييه هي هديك ربع ساعة لي كتخصصها كل نهار باش تعلم فيها اللغات ، هي هاديك نص ساعة لي كتخصصها كل نهار باش تعلم #Public_speaking , هي هاديك نص ساعة لي كتقرا فيها داك شوية حول مهارة من المهارات و انت غادي في الطوبيس اولا القطار ، هي هاديك عشرة الدقايق لي كتعلم فيها مهارة…
هاداك شوية ديال الوقت لي كتخصصو كل نهار باش تعلم بعض #المهارات هو لي كيولي من بعد داك الملمتر لي كاتفوت بيه الآخرين و لي #الجائزة ديالو كتكون كبيرة و زايدة بزااااااف على هداك لي ناقصو غير داك الملمتر …
#يا_صديقي،
عنداك تحكر هاداك الملمتر و هاديك نصف ساعة في اليوم…
#لله_الأمر_من_قبل_و_من_بعد
Mohamed EL FEZZAZI ✪✪ ( محمد الفزازي )
