1 + 1 = ?
الى كان صاحبك عندو #مهارة تيربح بها درهم ، و انت عندك #نفس المهارة ،و تتربح بها حتى انت درهم . ماشي من المعقول انكم تتشاركو و ديرو شي مشروع . لانكم غادي تبداو تربحو 2 دراهم ، يعني في الآخير غادي تجيكم درهم لكل واحد . و هاد النوع ديال الشراكة متيطولش لأن فيه #الملل و ما فيه حتى شي #قيمة_مضافة ليكم او للعملاء ديالكم، هذي غادي تولي جمعية او نقابة ديال هاديك المهارة لي عندكم , ماشي شراكة من أجل Business.
#الشراكة كتنجح منين كل واحد فيكم عندو مهارة مختلفة عن الآخر و حبذا لو كانت تتكمل المهارة لي عند الآخر ، يعني مثلا أنت عندك مهارة digital و هو عندو مهارة #التسويق ، انت عندك مهارة operations management و هو عندو مهارة Sales , في هاد الحالة انت غادي تجيب درهم من المهارة ديالك و هو درهم من المهارة ديالو و عاد بتوفيق من الله دراهم هما من تكامل المهارة ديالك و المهارة ديالو .
يعني هاديك 1+1 دون شك غادي تساوي 10 و الله يضاعف لمن يشاء .
هذا مثال مبسط كاريكاتوري ،و لكن تيوضح أنك كرائد أعمال او صاحب مشروع، منين تبغي تختار #الفريق ديالك ، ما تختارش الناس لي عندهوم نفس المهارات ديالك ، ابحث عن الأشخاص لي تكون بيهم فريق كل واحد ممتاز في البوسط ديالو ، ماشي تعزل فرقة، اللعابة دياولها كلهم كيلعبو في الدفاع. راك عمرك تماركي شي Goooool, غادي تلقاهم كلهم ما تيفوتوش سونطر.
Mohamed El Fezzazi- Think Tank ✪✪ ( محمد الفزازي )
