نجاح اي مؤسسة خاصة أو حكومية ، صغيرة أولا كبيرة مرتبط أساسا بالناس لي خدامين فيها. و هما غالبا اربعة ديال الأنواع، و يتم التقييم ديالهم على حساب #الإمكانيات و #الأداء:
#Starsالنوع الأول،
ديال الشركة، واعرين بزاف في الإمكانيات و الأداء، هما المواهب لي كيعاونو الشركة بالافكار الجديدة ، باش تخترع منتوجات جديدة، تدخل أسواق جديدة… هادو خاص الشركة تستقطبهم و تتهلا فيهم ماديا و معنويا و خا تكون المتطلبات ديالهم خارج Budget.
#Workhorsesالنوع الثاني
, هادو الإمكانيات ديالهم محدودة و لكن الأداء ديالهم واعر ، هادو هما الكازوال ديال الشركة، هادو هما العسكر ديال الشركة لي خاصها تتهلا فيهم و تحفزهم باش تحافظ عليهم حتى التقاعد. غالبا هما تيشكلو حتى 90% من المستخدمين و العمال
#Dogs النوع الثالث
هادو صحاب لا زين لا مجي بكري ،الأداء و الامكانيات على قد الحال، و هما لي كايجي منهم غير صداع الراس. هادو غالبا دخلو بالغلط اولا كانو من صحاب الفئة الثانية و ترخاو. هادو خاصهم التحفيز باش يرجعو للفئة 2 , اولا الباب الحباب.
#oppressed النوع الرابع،
، هادو المظلومين لي الإمكانيات واعرة و لكن ما باغينش يخدمو، لأنهم عندهم المواهب ديال الفئة 1 , و لكن تحطوا بلغلط مع الفئة 2 , و طلع ليهم الدم و ولاو ممسوقينش، هادو خاص الشركة طلعهوم عند الفئة 1 , و تستافد منهم و من الامكانيات و الافكار ديالهم مزيان.
#المقاولة لي كتحارب الفئة 1 و 4 لأنهم #موهوبين و عندهم أفكار جديدة ، لي باغين يزيدو بالشركة لقدام . المقاولة لي كيعجبها غير النوع 2 ,لأنه كيدورو الرحا بلا صداع . و المقاولة لي كتسامح مع النوع 3 تحت ذريعة باش يبقاو ياكلو طرف ديال الخبز. هاد النوع ديال المقاولات كتبقى غادا حتى كذخل في الحيط، اليوم اولا غذا.
نجاح المقاولة صغيرة أولا كبيرة عندو علاقة مع هاد أربعة ديال الفئات ،مع النسا و الرجال ديالها و مع كيفاش كتمناتجيهم.
Human Capital Management
Mohamed El Fezzazi- Think Tank ✪✪ ( محمد الفزازي )
