منين كيدوز عندك صاحبك للدار يكلس معاك شوية و تكون بوحدك في الدار ، و يجيب معاه ولدو صغير من نوع Hyper actif.
باش يخليكم تستمتعوا بالكلسة، كتجيب ليه شي لعبة ديال ولدك و تعطيه يتلاها فيها.
منين صاحبك يجمع الوقفة باش يمشي، ولدو تيدير داك اللعبة فيديه و خاصك معاه طالب معاشو باش يحطها . تيدخل معاه صاحبك في Negotiation و promesses باش يستسلم و يحطها و هو كيبكي بالدموع …
في ريادة الاعمال هاد الاستراتيجية كيسميوها :
#Hedonic_effect. #تأثير_المتعة
شركات بيع السيارات ، منين تبغي تشري من عندهم شي سيارة ، ولاو كيخليوك تستعملها، و ضرب دويرة مع راسك ، و القافزين فيهم يقولولك خليها عندك week end كامل ، باش تجربها مع موالين الدار.
طبعا منين تتبغي تردها تتحس براسك جاتك البكية، اما الى جربتيها الويكيند مع الدار ؛ صافي كلشي غادي تجيه البكية.
يعني هاد الاستراتيجية تيكون ليها تأثير على الطريقة باش تتاخذ بها قرار الشراء و هذا بسبب #loss_aversion .( الخوف من الخسارة ) .
و هذا طبعا تينفع في استراتيجية التسعير و التسويق بحيث منين تبغي تبيع. باش تبيع بثمن مزيان ركز الماركوتينك و الإشهار و الميساج ديالك على المتعة لي تيجلبها امتلاك المنتوج ديالك او الخذمة. ( Coca Cola خير مثال’ كل اشهاراتها استمتع بالحياة باللحظة …) و طبعا خلي الزبون يخلي عندو المنتج باش يستعملو او على الاقل اللمس . هاد شي تيديروه حتى صحاب les logiciels . تيأنسطاليوه ليك واحد المدة ….
منين تكون باغي تشري حاول ما تركزش على المتعة و ركز على #Utilitarian يعني على المنفعة التي سيجلبها استعمال المنتج ماشي على المتعة .
Mohamed El Fezzazi- Think Tank ✪✪ ( محمد الفزازي )
